دردشه وتعليم ووناسه
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 تبين ترفعين الضغط ؟؟ هععع اسالوني <<<ماصارت طبيبه !!

اذهب الى الأسفل 
كاتب الموضوعرسالة
ياانا يالهدوء ××
عضو نشيط
عضو نشيط
avatar

انثى عدد الرسائل : 95
تاريخ التسجيل : 09/09/2008

مُساهمةموضوع: تبين ترفعين الضغط ؟؟ هععع اسالوني <<<ماصارت طبيبه !!   السبت سبتمبر 13, 2008 9:38 pm

السلام عليكم ورحمة الله وبركاتــه


عندي دروس خطيره لا تفوتكم يا بنات..

شوفوا اللي مقهوره, واللي تبي تنتقم, واللي تبي ترفع ضغط اخوها..
تتبع

هالخطوات والله يقويكم......

*** عند التلفزيون ***

إذا كان فيه مباراه , والاخ متحمس اقطعي هالحماس وشلون؟؟!
انا اقولك ..

شوفي اذا صار مركززز وماهمه احد يعني لو تجيبين صاروخ تفجرينه قدامه مالتفت لك ..


اعرفي انه منسجم , هنا بس تقومين بشغلك......... وتسوين نفسك بنت سنعه



وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,



لا قال: ابعدي. قولي مانيب فاضيتلك بنظف وامسح ،

وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه..

ولا يهمك احد..

واذا قال: ابعدي لااصقعك على وجهك بالكاس قولي بيجون ضيوف . .

العبي عليه حتى لو مو جايكم احد , والا سوي نفسك جالسه وتذكرتي ان الكيك

بالفرن احترق ناقزي لين توصلين للفيش واسحبيه برجولك ولا تلتفتين وراكِ..


<< أو خلي نفسك مو فاهمه وسئليه عن اللي يتابعه


*** عند النوم ***

لا صار التمساح يشخر.. نكدي عليه نومته وشلون؟؟دخلي عليه بزارينكم و بزارين جيرانكم وصكي الباب عليهم وخليهم يلعبون بغرفته ويناقزون على راسه ..

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نطلع ..>>>مجربتها ومضمووون


*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب هههههه

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي ما تسكتين قوليله واذا ماذلفت وش بيصير؟؟

عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك << عاد الي ماعندها درج تتصرف



عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبراطوريه ))



*** وقت الطقاق ***

لا جاء يوم وبراسك شي وتبين تطاققين انتي والتمساح لازم تجهزين نفسك من كل ناحيه:

1/ اللبس: لازم تلبسين شي خفيف علشان يسهل الركض


2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك..

وياليت يكون ذاك اليوم حاطه براسك حناء علشان مايتجرأ ويلمس شعرك اما يجيب مثل هالتفكير ..ابن

3/ مفتاح الغرفه جهزيه>>>> الاحتياط واجب

اذا بدت المعركه حطي راسك براسه ولا تبينين له انك خايفه وقوليله وش براسك عاد هو هنا بيقولك هذا اللي براسي طراااااااااااخ الا وكف على وجهك

لا تستسلمين عطيه بكسسسسسسسس على عيونه الثنتين علشان مايشوف الدرب..

وحطي رجلك وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في الظهر ..


وفي النهاية

مالي دخل اذا صارلكــــ شي >>>>نذااااله

وانتبهوا لاخوانكم وشوي شوي عليهم << بتصلحها

لا تضربوهم بقوة مهما كانوا يصيرون اخوانكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تبين ترفعين الضغط ؟؟ هععع اسالوني <<<ماصارت طبيبه !!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عالم البنات :: *( عالم الصداقة )* :: سواليف :-
انتقل الى: